Aðstæður fólks geta breyst
Aðstæður geta breyst frá upphaflegum forsendum láns og því getur verið nauðsynlegt að óska eftir breytingum á láni. Hér má finna upplýsingar um hvaða breytingar er hægt að óska eftir. Í sumum tilfellum getur þurft að fá samþykki síðari veðhafa og framkvæma greiðslumat.
Breytingar á þínu láni
Sjóðfélagar með lán hjá Brú lífeyrissjóði geta sótt um breytingu á lánaskilmálum. Mismunandi er eftir umsóknum hvort framkvæma þurfi greiðslumat. Umsóknir um breytingar á lánum eru einnig aðgengilegar á umsóknarvef (mínar síður) Brúar lífeyrissjóðs.
> Umsókn um styttingu lánstíma
> Umsókn um breytingu úr föstum verðtryggðum vöxtum í breytilega verðtryggða vexti
> Umsókn um breytingu úr breytilegum verðtryggðum vöxtum í fasta verðtryggða vexti
> Umsókn um breytingu úr jöfnum greiðslum í jafnar afborganir
> Umsókn um breytingu úr jöfnum afborgunum í jafnar greiðslur
Almennar lánabreytingar
Veðleyfi
Veðleyfi:
Lántakandi getur óskað eftir að lán frá þriðja aðila fari fram fyrir veðrétt sjóðsins en þá þarf að sækja um veðleyfi.
Skilyrt veðleyfi:
Lántakandi getur óskað eftir að lán frá þriðja aðila fari fram fyrir veðrétt sjóðsins með því skilyrði að lán sjóðsins verði greitt upp en þá þarf að sækja um skilyrt veðleyfi.
Veðflutningur
Lántakandi getur flutt lán milli fasteigna þegar eign er seld og önnur keypt ef skilyrði lánareglna heimila það.
-
Með umsókninni þarf að skila kaupsamningi vegna kaupanna og eftirstöðvum áhvílandi lána á þeirri eign.
Úrræði vegna greiðsluerfiðleika
Ýmis úrræði eru í boði hjá sjóðnum fyrir skuldara í greiðsluvanda. Áhersla er lögð á að aðstoða viðkomandi eftir fremsta megni til að lánin verði í skilum.
Almenn úrræði
-
Lánstími lengdur
-
Frestun greiðslna á afborgunum og verðbótum
-
Vanskilum og kostnaði verði bætt við höfuðstól lánsins
-
Greiðslumáta breytt, þ.e. úr jöfnum afborgunum í jafnar greiðslur.
> Umsókn um frestun greiðslna
Sérstakt úrræði
-
Hægt er að óska eftir tímabundnum vanskilasamning en þá er samið um uppgjör vanskila á ákveðnu tímabili. Vinsamlegast hafið samband við sjóðinn fyrir frekari upplýsingar, lanamal@lifbru.is eða í síma 540-0700.
Ef um veruleg vanskil er um að ræða er lántakenda bent á að hafa samband við ráðgjafa hjá Umboðsmanni skuldara. Sjá nánari upplýsingar: http://www.ums.is/
Skuldaraskipti
-
Ef lántakandi óskar eftir að nýr skuldari bætist við á skuldabréf þarf að sækja um skuldaraskipti en þá þarf sjóðurinn að sækja lánshæfismat og framkvæma greiðslumat.