Brú lífeyrissjóður starfsmanna sveitarfélaga er lífeyrissjóður fyrir fólk sem starfar hjá sveitarfélögunum. Hann hét áður Lífeyrissjóður starfsmanna sveitarfélaga en skipt var um heiti sjóðsins í júní 2016.
Sjóðurinn var stofnaður 28. júlí 1998 með samningi á milli BHM, BSRB og Kennarasambands Íslands (KÍ) fyrir hönd hlutaðeigandi stéttarfélaga annars vegar og hins vegar Sambands íslenskra sveitarfélaga. Eldri lífeyrissjóðum sveitarfélaga var lokað á sama tíma fyrir nýja sjóðfélaga.
Skylduaðild
Starfsmenn sveitarfélaga sem eru í BSRB, BHM og KÍ eiga kjarasamningsbundna aðild að sjóðnum. Þeir geta valið um að vera í annað hvort A deild eða V deild.
Fulltrúar stofnaðila eiga sæti í stjórn sjóðsins og allir sjóðfélagar eiga rétt á setu á aðalfundum lífeyrissjóðsins með málfrelsi og tillögurétt um hvaðeina er varðar starfsemi sjóðsins.
Aðild að Brú lífeyrissjóði
Á milli eftirtalinna aðila er í gildi kjarasamningur um skylduaðild hlutaðeigandi starfsmanna að Brú lífeyrissjóði.
- Samband íslenskra sveitarfélaga
- Aðildarfélög BHM
- Aðildarfélög BSRB
- KÍ
Deildir Brúar lífeyrissjóðs:
A deild
- A deild: kjarasamningsbundin aðild starfsmanna sveitarfélaga sem eru í BSRB og BHM, ásamt KÍ.
- Starfsmenn frá 1. júlí 1998 eru í A-deild.
- Eldri starfsmenn eiga rétt á að fara í A-deild.
- Nánar um A deild.
V deild
- V deild: Er öllum opin.
- A-deildar félagar geta flutt sig í V-deild.
- Nánar um V deild.
B deild
- B deild: Réttindasöfn lokaðra lífeyrissjóða sem sameinuðust í eina deild árin 2013, 2017 og 2018:
- Eftirlaunasjóður starfsmanna Hafnarfjarðarkaupstaðar
- Eftirlaunasjóður Reykjanesbæjar
- Lífeyrissjóður Akraneskaupstaðar
- Lífeyrissjóður Neskaupstaðar
- Lífeyrissjóður starfsmanna Húsavíkurkaupstaðar
- Lífeyrissjóður starfsmanna Kópavogskaupstaðar
- Lífeyrissjóður starfsmanna Vestmannaeyjakaupstaðar
- Nánar um B deild.
Brú lífeyrissjóður rekur einnig Lífeyrissjóð starfsmanna Reykjavíkurborgar (frá 1999) sem er með sambærileg réttindi og réttindasöfn í B-deildinni.