Íslenska lífeyriskerfið er í efsta sæti í alþjóðlegri lífeyrisvísitölu sem birt var í morgun. Ísland var að taka þátt í fyrsta sinn en alls tóku 43 ríki þátt. Lífeyrisvísitala er alþjóðleg vísitala sem metur lífeyriskerfi mismunandi landa og er gefin út árlega. Ráðgjafafyrirtækið Mercer og samtökin CFA Institute standa fyrir útgáfu á vísitölunni.
Vísitölunni er skipt í þrjár undirvísitölur sem mæla nægjanleika, sjálfbærni og traust. Ísland mældist efst í nægjanleika og sjálfbærni sem vegur þyngst í vísitölunni og er í sjöunda sæti hvað varðar traust.
Samanburður lífeyriskerfa byggist annars vegar á talnaefni frá Efnahags- og framfarastofnunni – OECD og öðrum fjölþjóðastofnunum og gagnabönkum og hins vegar á upplýsingum sem sérfræðingar hjá Mercer og fleiri hafa aflað í viðkomandi ríkjum.
Ítarlegri samantekt má finna á vef Landssamtaka lífeyrissjóða