Breytingar á A deild 1. júní 2017

Réttindi þeirra sjóðfélaga sem áttu aðild að A deild fyrir breytingarnar verða ekki skert við gildistöku laganna vegna framlags launagreiðenda til sjóðsins.

Sjóðfélagar sem greiða áfram iðgjald í A deild fara yfir í aldurstengda réttindaávinnslu en mismunur á jafnri ávinnslu og aldurstengdri ávinnslu framtíðarréttinda er mætt með lífeyrisauka sem launagreiðendur greiða inn til sjóðsins.

Réttindi sjóðfélaga verða aftur á móti framvegis bundin tryggingafræðilegri stöðu og geta lækkað eða hækkað eftir afkomu sjóðsins. Þetta á bæði við um áunnin réttindi fyrir 1. júní 2017 og framtíðarréttindi sjóðfélaga.

Sjóðfélagar sem byrja að greiða til sjóðsins eftir 1. júní 2017 ávinna sér réttindi sem eru aldurstengd. Því yngri sem sjóðfélagi byrjar að greiða til sjóðsins því verðmætari verða réttindin hans vegna lengri ávöxtunartíma.

Réttindin eru bundin tryggingafræðilegri afkomu sjóðsins og geta hækkað eða lækkað eftir afkomu hans.

Viðmiðunaraldur lífeyristöku verður 67 ár en lífeyristaka getur hafist milli 60-70 ára. 

Sjóðfélagar sem voru 60 ára og eldri fyrir 1. júní 2017

Markmið með lagabreytingunni er að samræma lífeyrisréttindi milli almenna og opinbera vinnumarkaðarins. Í stað jafnrar ávinnslu réttinda mun réttindaávinnsla framvegis verða aldurstengd og viðmiðunaraldur lífeyristöku verður 67 ár í stað 65 ára. Þessar breytingar taka gildi frá og með 1. júní 2017. Réttindin verða bundin tryggingafræðilegri afkomu sjóðsins og geta hækkað eða lækkað eftir afkomu hans.

Nei. Breytingin hafði ekki áhrif á þá lífeyrisþega sem þegar höfðu hafið töku lífeyris fyrir 1. júní 2017.

Hvað varðar Brú lífeyrissjóð eiga fyrirhugaðar breytingar aðallega við um A deild sjóðsins en hafa einnig áhrif á V deild þar sem lífeyristökualdur hækkar einnig í þeirri deild í 67 ár. B deild sjóðsins er með öllu óbreytt.

Breytingin hefur engin áhrif á réttindi þín í B deildinni eða hjá Lífeyrissjóði starfsmanna Reykjavíkurborgar eða Lífeyrissjóðs starfsmanna Kópavogsbæjar. 

Jú, sá valmöguleiki verður áfram til staðar fyrir núverandi sjóðfélaga í A deild. Sem fyrr geta sjóðfélagar í A deild hafið töku lífeyris hvenær sem er á aldrinum 60 til 70 ára. Það er óbreytt í nýju kerfi en viðmiðunaraldur hækkar úr 65 árum í 67. 

Með jafnri ávinnslu er átt við að ávinnsla réttinda sé jöfn yfir starfsævina og óháð aldri.

Aldurstengd ávinnsla réttinda tekur mið af aldri sjóðfélaga, iðgjöld yngri sjóðfélaga eru verðmætari því þau ávaxtast yfir lengri tíma. Þannig njóta yngri sjóðfélagar ávinnings af því hve lengi iðgjöld þeirra eiga eftir að ávaxtast. Réttindi sjóðfélaga verða því í samræmi við verðmæti iðgjaldanna sem þeir greiða.

Þeir sjóðfélagar sem höfðu greitt til A deildar einhvern tímann á síðustu 12 mánuðum fyrir 1. júní 2017 eiga rétt á jafnri ávinnslu réttinda. Sjóðfélagar sem starfa hjá öðrum launagreiðendum en ríkisaðilum og sveitarfélögum eiga aðeins þennan rétt ef launagreiðandi þeirra samþykkir greiðslu sérstaks iðgjalds.

Falli iðgjaldagreiðslur sjóðfélaga niður til lengri tíma en 12 mánaða fellur réttur hans til jafnrar ávinnslu niður til framtíðar. Heimilt er að framlengja þetta tímabil um 12 mánuði vegna náms, veikinda eða fæðingarorlofs sjóðfélaga. Sjóðfélagi heldur þó alltaf réttinum til jafnrar ávinnslu ef ráðningarsamband er fyrir hendi, t.d. ef hann er í launalausu leyfi.

Sjóðfélagar sem eiga rétt á jafnri ávinnslu réttinda halda þeim rétti þó þeir skipti um starf, að því gefnu að starfið veiti rétt til aðildar að A deild. Loks geta sjóðfélagar sem hafa einhvern tíma greitt í sjóðinn öðlast rétt til jafnrar ávinnslu réttinda ef þeir hefja greiðslur á ný fyrir 1. júní 2018.

Nei. Með framlögum launagreiðenda í jafnvægissjóð, lífeyrisaukasjóð og varúðarsjóð verður ábyrgð launagreiðenda á réttindum í A-deild afnumin.

Sérstakar reglur gilda um þá sem náð hafa 60 ára aldri eða hafa hafið töku lífeyris fyrir 1. júní 2017. Þessir sjóðfélagar munu áfram hafa rétt til sambærilegrar tryggingar og óbeina ábyrgðin felur í sér. 

Launagreiðendur greiða framlög sem nema um 37 milljarða króna til sjóðsins í formi jafnvægissjóðs og lífeyrisaukasjóðs. Að auki verða um 2,9 milljarðar króna settar í sérstakan varúðarsjóð sem ætlað er að styðja við lífeyrisaukasjóð svo hann geti staðið undir skuldbindingum sínum. Komi í ljós síðar að þessi fjárhæð dugi ekki til eru launagreiðendur skuldbundnir að taka upp viðræður við heildarsamtök opinberra starfsmanna um hvernig við því skuli brugðist.

Markmið Alþingis er að samræma lífeyrisréttindi á almennum og opinberum vinnumarkaði. Lífeyriskerfi opinberra starfsmanna í núverandi mynd stendur ekki undir sér óbreytt.   

Það er einstaklingsbundið hvort yngri sjóðfélagar komi betur út í nýju kerfi. 

Falli iðgjaldagreiðslur þínar niður til lengri tíma en 12 mánaða fellur réttur til jafnrar ávinnslu niður til framtíðar en þó er heimilt að framlengja það tímabil um 12 mánuði vegna náms, veikinda eða fæðingarorlofs. Þú heldur hins vegar alltaf réttinum ef ráðningarsamband er fyrir hendi, t.d. ef þú ferð í launalaust leyfi.

Nei, réttur til jafnrar ávinnslu fellur niður eftir 12 mánuði í slíkum tilvikum. 

Nei, iðgjald þitt verður eftir sem áður 4%.

Mótframlag launagreiðenda lækkar úr 12% í 11,5%. Með samþykki stjórnar sjóðsins geta aðrir launagreiðendur en sveitarfélög og stofnanir þeirra greitt sérstakt viðbótar iðgjald sem nú er 4,5% vegna áframhaldandi aðildar starfsmanna að A deild Brúar lífeyrissjóðs. 

Nei, réttindi núverandi sjóðfélaga verða óbreytt. Hjá nýjum sjóðfélögum er meginbreytingin að ávinnsla réttinda verður aldurstengd en skilyrði til að öðlast réttindi þau sömu. 

Nei, réttindi núverandi sjóðfélaga verða óbreytt. Hjá nýjum sjóðfélögum er meginbreytingin sú að ávinnsla réttinda verður aldurstengd en skilyrði til að öðlast réttindi eru þau sömu. 

Nei, rétturinn til barnalífeyris verður óbreyttur. 

Breyting verður ekki á geymdum réttindum þann 1. júní 2017. Þau geta þó breyst eftir tryggingafræðilegri stöðu sjóðsins.

Sjóðfélagar A deildar Brúar lífeyrissjóðs sem rétt eiga á jafnri ávinnslu réttinda munu einnig eiga rétt á jafnri ávinnslu hjá A deild LSR skipti þeir um starf og verða sjóðfélagar þar. Þó má ekki hafa liðið lengri tími en tólf mánuðir á milli starfa. Sambærilegt ákvæði er í samþykktum LSR.

Lífeyrisréttindin í A deild voru fyrir 1. júní 2017 með jafnri ávinnslu óháð aldri. Sjóðfélagi ávann sér því lífeyrisrétt sem nam 1,9% af launum. Viðmiðunaraldur lífeyristöku var 65 ár en gat hafist á milli 60-70 ára.