Fréttir og tillkynningar

Á morgun er rauð veðurviðvörun fyrir höfuðborgarsvæðið og því verður sjóðurinn lokaður a.m.k. til klukkan 13:00. Fylgst verður með veðri og veðurspám og metið á hádegi hvort opnað verði þegar veður lægir. Beðist er velvirðingar á þeim óþægindum sem þetta kann að valda.

Starfsmenn sjóðsins eru á námskeiði þann 24. janúar og því opnar skrifstofa hans ekki fyrr en klukkan 11 þann dag.

Stjórn sjóðsins hefur ákveðið að lækka vexti á nýjum óverðtryggðum sjóðfélagalánum frá og með 15. janúar. Breytingin á vöxtunum nær einnig til útgefinna lána en samkvæmt lögum þarf að tilkynna vaxtabreytingu með 30 daga fyrirvara og taka vextirnir því gildi á næsta gjalddaga að þeim tíma liðnum. Óverðtryggðir breytilegir vextir lækka úr 5,1% í 4,9% og vextir á óverðtryggðum viðótarlánum fara í 5,9% úr 6,1% en óverðtryggðir fastir vextir verða 5,5%

Breytingar á tekjuskattskerfinu tóku gildi 1. janúar 2020, en frá og með þeim tíma var innleitt þriggja þrepa skattkerfi. Þeir lífeyrisþegar sem eru með heildartekjur yfir 336.916 kr. eru hvattir til þess að huga að því hvort ástæða sé til þess að tilkynna sjóðnum um breytingar á skattþrepi. Hægt er að tilkynna með því að senda tölvupóst á lifeyrir@lifbru.is eða með því að fylla út eyðublað á umsóknarvef sjóðsins.