Fara í efni

Lífeyrisréttindi við starfslok

Par að horfa á sjó

Hvernig sæki ég um eftirlaun?

Þú getur sótt um eftirlaun undir Mínar síður - umsóknir með rafrænu auðkenni eða ýtt á hlekkinn fyrir neðan. Ef þú ert ekki með rafræn skilríki getur þú haft samband við sjóðinn. Fjárhæð eftirlauna reiknast út frá áunnum réttindum og fylgir neysluverðsvísitölu. Með lífeyrisreiknivélinni getur þú reiknað hver áætlaður lífeyrir þinn verður. Eftirlaun greiðast ævilangt og eru útborguð mánaðarlega.  

Sækja um eftirlaun, A og V deild

Sækja um eftirlaun, B deild        



Hvar get ég séð réttindi mín?

Lífeyrisgáttin sýnir þér öll þau réttindi sem þú hefur unnið þér inn á starfsævinni. Hún sýnir réttindi í samtryggingarsjóði - ekki í séreignarsjóði.  Lífeyrisgáttin er góð leið til þess að finna upplýsingar og svara spurningum eins og:

  • Hverju má ég búast við þegar ég hætti að vinna?
  • Hverjar verða tekjur mínar?
  • Hvaða réttindi á ég og hvar?
  • Er hægt að nálgast yfirlit yfir lífeyrisréttindi mín?

Hér getur þú nálgast Lífeyrisgáttina     

Sjá áætluð réttindi í lífeyrisreiknivélinni

 

 

Hvað þarf ég langan fyrirvara til að sækja um?

Til að fá útborgað 1. dag næsta mánaðar þarf sjóðurinn umsókn þína um eftirlaun fyrir 15. dag mánaðarins á undan. Það tekur sjóðinn a.m.k. fimmtán daga að vinna umsókn þína.

Er flókið að sækja um ef ég á réttindi í mörgum lífeyrissjóðum?

Þú getur sótt um hjá einum af þeim lífeyrissjóðum sem þú greiddir til og óskað eftir að sjóðurinn hefur samband við aðra lífeyrissjóði vegna umsóknar þinnar. Þess ber þó að geta að reglur sjóða um starfslokaaldur eru mismunandi og geta haft áhrif á réttindi þín hvenær þú sækir um lífeyri. Því er ráðlagt að þú kynnir þér reglur sjóðanna fyrst.

Get ég minnkað við mig vinnu og verið hluta til á lífeyri?

Almennt séð er hægt að taka út lífeyri og halda áfram að vinna.

Reglurnar er mismunandi eftir deildum, svo þú þarft að kanna nánar réttindi þinnar deildar til að fá nánari svar við þessari spurningu. 

 

 

 

Réttindi við starfslok

Réttindi eru sambærileg í A og V deild en er B deildin er töluvert frábrugðin. Þú þarft því að skoða þína deild sérstaklega til að vita hver réttindi þin eru við starfslok.

Ef þú ert ekki viss í hvaða deild þú ert geturðu farið inn á Sjóðfélagsvefinn / lífeyrisréttindin mín og athugað málið. Einnig getur þú kannað réttindastöðu þína í Lífeyrisgáttinni.

Eftirlaun í A deild

  • Þú hefur val um að fara á eftirlaun milli 60 ára og 80 ára aldurs.
  • Þú þarft ekki að vera hætt/ur störfum þegar taka eftirlauna hefst.
    • Mikilvægt er þó að kanna hver ávinnsla verður þar sem hún getur breyst við töku eftirlauna.
  • Fjárhæð eftirlauna reiknast út frá áunnum réttindum og fylgir neysluverðsvísitölu.
  • Eftirlaun greiðast ævilangt og eru útborguð mánaðarlega.
  • Hefji sjóðfélagi lífeyristöku síðar hækkar lífeyrinn fyrir hvern mánuð eða brot úr mánuði sem töku lífeyris er frestað.
  • Hefji sjóðfélagi lífeyristöku fyrr lækkar lífeyrinn fyrir hvern mánuð eða brot úr mánuði sem töku lífeyris er flýtt.

Eftirlaun í V deild

  • Þú hefur val um að fara á eftirlaun milli 60 ára og 80 ára aldurs.
  • Þú þarft ekki að vera hætt/ur störfum þegar taka eftirlauna hefst.
  • Fjárhæð eftirlauna reiknast út frá áunnum réttindum og fylgir neysluverðsvísitölu.
  • Eftirlaun greiðast ævilangt og eru útborguð mánaðarlega.
  • Réttindi eru háð iðgjaldi, aldri og ávöxtun.
  • Hefji sjóðfélagi lífeyristöku síðar hækkar lífeyrinn fyrir hvern mánuð eða brot úr mánuði sem töku lífeyris er frestað.
  • Hefji sjóðfélagi lífeyristöku fyrr lækkar lífeyrinn fyrir hvern mánuð eða brot úr mánuði sem töku lífeyris er flýtt.

Eftirlaun í B deild

B deildin er samsafn réttindasafna sveitarfélagasjóða sem var lokað 1998 og eru réttindi við starfslok töluvert frábrugðin A og V deildinni. Þeir sem eru orðnir 65 ára og hafa látið af störfum hjá sínu sveitarfélagi geta hafið töku lífeyris. Þeir sem hafa náð 95 ára reglunni sem er samanlagður sjóðfélagaaldur og lífaldur geta þó hafið töku lífeyris fyrr. Við mælum með að þeir sem eru að nálgast 95 ára regluna hafi samband við lífeyrisfulltrúa Brúar til að kynna sér réttindi sín.

  • Eftirlaunaaldur eftir 65 ára
  • Hægt að komast fyrr á lífeyri eftir 95 ára reglu er náð
  • 95 ára regla = sjóðfélagaaldur + lífaldur
  • Þeir sem ná 95 ára reglu ættu hafa samband við lífeyrisfulltrúa

  • Viðmið lífeyris getur verið annað hvort skv. meðaltalsreglu eða eftirmannsreglu.

Nánari upplýsingar um B deild.

 

Skattur

Sjóðfélagi þarf að merkja á umsókninni viðeigandi skattþrep og hvort nýta eigi skattkort hjá lífeyrissjóðnum. Það er á ábyrgð sjóðfélaga að láta sjóðinn vita hvort hann óski eftir því að nýta rafrænan persónuafslátt og í hvaða skattþrepi skattgreiðslur eiga að vera. Staðgreiðsla skatta 2024, samkvæmt upplýsingum frá  Skatturinn.is, er reiknuð í þremur þrepum:

  • Skattþrep 1: 31,48% af tekjum 0 –  446.136 kr.
  • Skattþrep 2: 37,98% af tekjum 446.137 - 1.252.501 kr.
  • Skattþrep 3: 46,28% af tekjum yfir 1.252.501 kr.

Persónuafsláttur er 64.926 kr. á mánuði.